الجمعة 19 أغسطس 2022 الموافق 21 محرم 1444
رئيس التحرير
حازم عادل
محافظات

من أيام مكبس الإيد.. عم "رفعت" أقدم صنايعي عجل في قنا: 75 سنة المحل مفتوح (فيديو)

الجمعة 24/يونيو/2022 - 08:35 م
عم رفعت
عم رفعت

تتميز الحرف اليدوية عن غيرها من الصناعات الحديثة بالعراقة، ويتميز أصحاب المهن الحرفية بتمسكهم بها عبر الزمن مهما تطورت الصناعات، وأجرى "مصر تايمز" بثًا مباشرًا مع "رفعت" أقدم "عجلاتي" بمركز نجع حمادي بمحافظة قنا، والذي ورث المهنة عن أبيه، ليكشف لنا تطور صناعة الدراجات ومدى إقبال الجمهور عليها.

 

عم رفعت أقدم “عجلاتي” في قنا 


وقال "رفعت" إن الإقبال على شراء الدراجات أو استئجارها أصبح أقل بكثير عن الماضي: " دلوقتي مفيش إقبال على العجل زي زمان، دلوقتي بقى الأطفال بس هما المقبلين على العجل، لكن زمان كان الموظفين وكل الناس بتستخدم العجل"، وتابع: " زمان كان الشارع كله بيتقفل من كتر العجلات اللي منتظرة دورها عشان تتصلح، لكن دلوقتي الموتوسيكلات اكتسحت وبقى عليها إقبال أكتر من العجل".


وعن الفرق بين الماضي والحاضر في شراء أو استئجار الدراجات قال: " زمان مفيش ناس كان معاهم عجل، علشان كان غالي زمان، كان كل الناس بيأجروا، زمان العجل كان بـ 80 ألف جنيه دلوقتي بقى بألفين"، وأضاف: " زمان ماكانش فيه قطع غيار، كان كله تصليح واحنا اللي بنصلحه، وممكن ناخد من عجلة جديدة قطعة عشان نصلح عجلة قديمة، لكن دلوقتي اتوفرت قطع الغيار عن زمان".