رحمة حسن بعد تعرضها لعضة كلب: "هاخد موقف قانوني لأني تعبانة نفسيا"

عبرت الفنانة رحمة حسن عن خوفها الشديد من النزول إلى الشارع أو اللعب مع قطتها، بعد تعرضها لعضة كلب أثناء سيرها في الشارع.

وكتبت رحمة عبر حسابها الرسمي بموقع "انستجرام"، "أنا حقيقي تعبانة و متازمة جدا .. و كوابيس و مش عارفة حتي اقرب من القطة بتاعتي و العب معاها لاني خايفة عليها لحد ما اخلاص العلاج".

وتابعت: "النهاردة اخدت الجرعة التانية و لسه هكمل طبعا ده غير وجع الجرح حقيقي .. اللي عوزة اقوله ان فعلا لو بعد شهر ما حصلش حاجه تخص الكلب و علاجه و تغير سلوكة و عدم نزوله بدون كمامة .انا هروح اخد موقف قانوني لاني فعلا تعبانة جسديا و نفسيا جدا جدا و خايفة جدا يحصل ده لحد تاني و اكون انا السبب اني ماخدتش موقف".

وحكت رحمة حسن عبر حسابها على موقع التواصل الاجتماعي "انستجرام" أنها كانت تسير في الشارع بجوار منزلها مساء أمس، وتعرضت للهجوم من كلب  وقفز ليهاجمها ويعضها.

وأوضحت: " امبارح الساعة 11 بليل كنت نازلة أجيب حاجة من السوبر ماركت جمب البيت، كنت ماشية علي الرصيف وكان في عربيه بتركن جمبي عادي، فجاه الباب اتفتح ولقيت كلب جيرمن شيبرد بيهجم عليه بكل قوته".

وتابعت: "طبعا حاولت أجري لكن للاسف الكلب كان قوي وشرس ووقعني علي الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة".

وأضافت: "صاحبة الكلب كتر خيرها اخذتني فورا علي مستشفي إمبابة، أدوني حقنه تطعيم الكلب ولسه فاضل لي ٤ هاخدهم خلال شهر، بس المشكله أن من امبارح الجرح بينزف دم كتير، وأنا طبعا خايفه ومصدومة وتعبانه وعندي تروما من امبارح والي واجعني أكتر أني مَش عارفه اتصرف إزاي، خصوصا أني أكيد مَش عايزه الكلب يتاذي، بس كمان مَش عايزه أي إنسان كمان يتاذي ويتعض ويتبهدل في الشارع زيي".