عروس كفر الدوار: أهلي وجوزي متبهدلين وميرضيش حد اللي بيحصل فيا
الأحد 05/يونيو/2022 - 09:41 م
أكدت أمنية طارق، عروس كفر الدوار، أنها لم تكن تخطط للكلام الذي قالته خلال توقيع عقد زواجها، قائلة: "كنت عايزة افرح جوزي بكلمتين وحبيت افرحه بطريقتي وتفاجأت بهجوم الناس ومعملتش تصرف غلط ومش عارفه في ايه وأهلي وجوزي متبهدلين من التعليقات السلبية على السوشيال ميديا".
وعبرت أمنية طارق، خلال مداخلة هاتفية ببرنامج "حديث القاهرة"، مع الاعلامية كريمة عوض، على قناة القاهرة والناس، عن استياءها من حالة الهجوم التي تتعرض له منذ انتشار الفيديو، قائلة: "ميرضيش حد اللي حصل فيا ومضيقتش حد في حاجة عشان اتهاجم بالشكل ده، والفيديو نشرته عندي للذكرى وبعد ما اتشير اتبهدلت".
وتابعت: "بنشوف فيديوهات ناس بتحضن بعض ومفيش حد بيعلق هل الحضن حلال قدام الناس وأنا كلمي وحش قدام الناس، وحمايا كان واقف ورايا وفي ضهري، واحنا ناس عاديين ولا طالبين ترند والكلام مأثر علينا نفسيا"، مؤكدة أنها وزوجها يقدرون أهلهم كثيرا.
