الجمعة 29 مارس 2024 الموافق 19 رمضان 1445
رئيس التحرير
حازم عادل
فن وثقافة

خالد عليش يصدم جمهوره بمفاجأة جديدة في أزمته مع طليقته

الخميس 02/يونيو/2022 - 11:00 ص
مصر تايمز

نشر الفنان خالد عليش، منشورا جديدا بخصوص قضيته مع طليقته ميما الشامي، وذلك عبر حسابه الشخصي علي موقع التواصل الاجتماعي "فيسبوك".

وكتب خالد عليش: "الحقيقة انا مبلم بقالي شوية من ساعة ما قريت ده ومش مصدق.. ده محضر معمول فيا من ١٢-٢-٢٠٢١ انا لسه مكتشفه بعيدا ان هو بيأكد صدق روايتي اني مش عارف اشوف بنتي بشكل سليم في الوقت ده ".

أضاف: "وده اللي خلاني الجأ للعقد اللي بينا وعمل الزام بما فرضته نفسها علي نفسها والمحكمة حولته لرؤية في مركز شباب وبعدها روحت وما كملتش والقصة الطويلة العريضة في البوست اللي فات.. بس مش قادر اصدق ان ده محضر اتعمل فيا".

وتابع: " مش قادر افهم يعني ايه خدتها ومأكلتهاش.. يعني ايه ما اديتهاش الادوية.. يعني ايه ببعت اشخاص غريبة تجيبها.. يعني ايه بتاجر بصورها.. طب ليه عايز اشوفها ؟ طب ليه بعمل كل ده.. ده انا قلبت في الموبايل عشان اشوف في التاريخ ده يمكن فعلا عملت حاجة تضايق لقيت اني ماشفتهاش يوم ١٢ أصلا وبعدها بيومين جبتلها هدية عشان الڤلانتين".

اختتم حديثه: "في الاخر يتعمل فيا محضر ويتقال عليا الكلام ده من ورايا.. ليه كل ده  ؟؟؟ !!! ؟؟؟ هل يريح الام وأصحابها اني اطنش وأكبر دماغي واسيب البنت وما اشوفهاش خالص.. بالمناسبة المحضر ده تم نشره عن طريق الام مش انا اللي عرفته لوحدي.. انا بجد مش مصدق وكإن في إصرار اني انا اطلع وحش وخلاص.. ربنا يهدي".