الثلاثاء 28 يونيو 2022 الموافق 29 ذو القعدة 1443
رئيس التحرير
حازم عادل
محافظات

"الصعيدي دايمًا عنده حلول".. عريس قناوي يصنع عفش شقته من الطوب بعد ارتفاع الأسعار (فيديو)

الأحد 22/مايو/2022 - 12:06 م
الشقة السكنية
الشقة السكنية

يبتكر العديد من المصريين أفكارًا مختلفة لإيجاد حلول سريعة والتغلب على أزماتهم، وابتكر أحد أهالي مركز نقادة بمحافظة قنا فكرة صنع أثاث شقة نجله السكنية من الطوب والأسمنت لمحاربة غلاء الأسعار.


وقال والد العريس لكاميرا "مصر تايمز" خلال البث المباشر: " إبني كان مستعجل وعايز يخلص شقته بسرعة فكان هيشتري غرفة غالية جدًا وجودتها رديئة جدًا، فقولتله لأ ماينفعش تشتريها، وأنا كنت سمعت إن في بعض الفنادق بتبني دواليبها وسرايرها، فقولت ما أجرب أعمل كدة، وبحثت على الإنترنت لحد ما قدرت أحط تخيل للشقة كلها، وإبني رفض الفكرة أول ما عرضتها لإنها كانت فكرة جديدة وغريبة عليه، وبعد محاولات من إقناعه إقتنع أخيرا وابتدينا ننفذ".


وأكد والد العريس أنه سوف ينصح أهالي قريته باتباع نفس الفكرة لتقليل تكاليف شراء الأثاث، واستدل بالقرآن قائلاً: "إن المبذرين كانوا إخوان الشياطين، إيه المشكلة لما نبني عفشنا بالطوب، ده شئ راقي ونضيف وبسيط، وكلفني نص التمن، ليه نفضل متمسكين بالموروثات الخاطئة اللي ورثناها زي إن مثلا العروسة تجيب 100 فوطة و 100 بيجامة والأرقام الفلكية دي كلها غلط وبترهق الأهل ماديًا، في آباء بيبيعوا أرضهم وأمهات بتبيع دهبها علشان يجوزوا إبنهم، أنا رفضت كل الموروثات الخاطئة دي وقولتلهم هنمشي بالمعقول حسب الإمكانيات المتاحة". 


وردًا على من اتهمه أنه قام بصناعة أثاث منزل نجله من الطوب بدلاً من شراء خشب تهربًا من كتابة قائمة المنقولات الزوجية قال: "انا كاتب للعروسة قايمة كاملة ومكتوب فيها إن العفش خشب مش طوب وبنفس أسعار السوق، دي بنتي وعمري ما هظلمها".