"جمع منهم 250 مليون وخلع".. ضحايا مستريح كفر الشيخ:"خدعنا و كنا متعشمين نحصل على شقة" (فيديو)
السبت 21/مايو/2022 - 02:45 م
انتشر المستريحين في عدة محافظات، وتقوم الأجهزة الأمنية بتتبع المستريحين لإنهاء مسلسل النصب المستمر في تلك الأيام.
وأجرى "مصر تايمز" بثًا مباشرًا مع ضحايا مستريح جديد بمحافظة كفرالشيخ يدعى "شعبان النجار"، وروى أحد الضحايا تفاصيل احتيال المستريح عليه: " شعبان كان بيشتغل في الشقق، وكان بياخد مننا أقساط على قد حالنا، وخد فلوس من 400 أسرة أو أكتر، وجمع حوالي 255 مليون جنيه مننا كلنا، يعني أنا دافع 270 ألف جنيه مقدم شقتين، كنت واخدهم لأولادي اللي وقتها كانوا في ثانوي دلوقتي اتخرجوا وخلصوا جيشهم وشعبان هرب ومفيش شقق، ربنا ينتقم منه ومن ولاده ومراته لإنهم موافقين ومستمتعين بالفلوس، وأنا بيعت كل ما أملك وحطيت مكافأة نهاية خدمتي علشان مستقبل ولادي".
أما الضحية الثانية قال: " كانوا بيقولوا عليه الشيخ شعبان، وثقنا فيه وافتكرناه بيعرف ربنا وماطلعش شيخ ولا حاجة، ضحك علينا وأخد الفلوس وهرب، وأنا أخدت دهب الشبكة بتاع زوجتي واستلفت من أحد أقاربي عشان آخد شقة تمليك بدل الشقة الإيجار، وفي اآخر كل حاجة ضاعت حسبي الله ونعم الوكيل فيه".
