الإثنين 27 يونيو 2022 الموافق 28 ذو القعدة 1443
رئيس التحرير
حازم عادل
فن وثقافة

نشوى مصطفى: حاربت علشان أكون ممثلة وماحققتش اللي اتمنيته

الأربعاء 11/مايو/2022 - 03:14 م
مصر تايمز

تحدثت الفنانة نشوى مصطفى عن عدم رضاها بما حققته في مسيرتها الفنية بسبب فرضها لبعض الشروط في أعمالها.

وكشفت نشوى مصطفى عبر حسابها على "فيسبوك" كواليس تعلقها بالتمثيل في الطفولة منذ رؤيتها ليوسف شاهين في فيلم "باب الحديد"، وشعورها بعدم الرضا عما حقتته في مسيرتها الفنية حتى الآن.


وكتبت: "حلمى أننى أكون ممثلة بدايته كانت وأنا عندي ١١ سنة، كانت أول مرة أشوف فيلم باب الحديد، الممثل اللي بيعمل دور قناوى سحرنى، مكنتش أعرف اسمه ولا أعرف أنه مخرج، ولا كنت أفهم يعنى أيه مخرج".

وتابعت: "اتوحدت مع ‘حساس عينيه واللي لحد دلوقتى مع احترامى لكل عباقرة وأساتذة التمثيل مشفتش مساحة الصدق القصوى غير فى عنين يوسف شاهين وهو قناوى".

وأوضحت: " طفلة عندها ١١ سنة أحلامها شبت خارج حدود أسوار طبقة اجتماعية متفهمش يعنى أيه لما يسألوها عايزة لما تكبرى تطلعى أيه تقول لهم عايزة أبقى ممثلة".

وأكدت: " حاربت علشان أكون ممثلة، وقدرت وبشروطى، بس معرفتش أحارب علشان أكون ممثلة زي ماكنت أتمنى، استسلمت للتننميط ودى كانت شروطهم طالما أنا ليا شروط".

اختتمت حديثها: "أحياناً كنت باقدر أفلفص بس وأنا باقرب من النهاية، باعتذر لنفسى أننى بمساعدة أخرين استسلمت وحرمتنى من متعة أننى أكون زي ما اتمنيت، ضيعت وضيعوا عليا فرصة الحياة، الحمد لله فى كل الأحوال، الحمد لله دايماً، الحمد لله".