مصطفى كامل يطرح أغنيته الجديدة "عنوان الحياة" (فيديو)
السبت 07/مايو/2022 - 02:34 م
طرح المطرب مصطفى كامل أغنيته الجديدة "عنوان الحياة" وذلك عبر قناته على موقع اليوتيوب.
وهى من كلماته وألحانه وتوزيع باسم منير وميكساج وماستر أحمد جودة، وتحمل عددا من المفاجآت، وتعد أولى أغانى ألبومه الجديد الذى يحضر له خلال الفترة المقبلة.
وطرح مؤخرًا مصطفى كامل، ثامن وآخر أغانى ألبومه الجديد "وجع قلبى"، والتى تحمل اسم "اتعلمت من الليالى" من كلماته وألحانه وتوزيع باسم منير ميكس وماستر أحمد جودة.
كلمات الأغنية :
عنوان الحياه دلوقتى............قلة الاصل والنداله
ملقتش يوم عذابى وضيقتى............اللى كانوا عاملين رجاله
كلها ابطال ع الورق............انا عمرى معاهم إتسرق
كله طلع ولا حاجه
كلها أيام متعاشه ... مع ناس كلها غشاشه
اديت وما خدتش حاجه
يا زمان اشهد يا زمان............ اصحابى على كل الالوان
اللى أصفر واللى أسود............ وابو قلب رمادى وخوان
وعماله بتقل الجدعان
اللى داق خيرنا ودلعنا............ واللى ياما إحتاج دراعنا
يوم عذبنا ويوم وجعنا............ شوفنا على وشه إبتسامه
اللى ياما سندنا ضهره............ كان رخيص غلينا مهره
لما شخلل فجأه زهره............ قال وداع ومع السلامه
شفت فيك يا زمن عجايب............ م الصحاب ومن الحبايب
عشت طول العمر خايب............ وإتخدعت فى خلق ياما
كلها ابطال ع الورق............انا عمرى معاهم إتسرق
كله طلع ولا حاجه
كلها أيام متعاشه ... مع ناس كلها غشاشه
اديت وما خدتش حاجه
غيركدب وغش ومليون وش وعالم راضعه رزاله
عنوان الحياه دلوقتى............قلة الاصل والنداله
ملقتش يوم عذابى وضيقتى............اللى كانوا عاملين رجاله
