مدير تعاقدات بيراميدز: فخور بإتمام صفقة أحمد فتحي

قال عمرو بسيوني، مدير التعاقدات بنادي بيراميدز، إنه فخور للغاية بالتعاقد مع أحمد فتحي، ظهير أيمن الفريق الكروي الأول بالنادي الأهلي السابق ومنتخب مصر، خلال فترة الانتقالات الجارية.

وأوضح بسيوني خلال المؤتمر الصحفي :" واجهت صعوبة في التفاوض مع أحمد فتحي خاصة أنه مرتبط بمشاعر كبيرة مع النادي الأهلي الذى شارك معه طوال 12 سنة، وانتقاله لبيراميدز بمثابة حدث تاريخى، وعقده ممتد معنا لمدة 3 سنوات ولو كنا نستطيع التوقيع معه لمدة 5 سنوات فلن نتردد".

وكان أحمد فتحي ودع جمهور الأهلي في رسالة عبر صفحته الرسمية بموقع "فيس بوك"، وقال: "لحظات يصعب فيها الكلام .. لحظات يصعب فيها التعبير . خاصة وأنت بتخاطب أطراف كلها عزيزة عليك، ولها مكانة خاصة فى قلبك، وكمان عشت معاهم أحلى 12 سنة فى حياتى .. 12 سنة كلها إنتصارات وبطولات وأفراح".

وتابع فتحي: "عايز أقول لو عقود الأحتراف المكتوبه بتنتهى .. عقود الحب والود والأحترام بينى وبين كل منظومة النادى الأهلى لن تنتهى .. أعذرونى لحظات قاسية، وأى قسوة وانت تغادر حبايبك اللى قضيت معاهم سنين فى النادي الأهلى .. بيتى، حتى لو كان القدر كتب لى خطوة جديدة".

واستطرد أحمد فتحي: "هيفضل جمهور الاهلي اللى حبنى وساعدني ووقف جنبيي، هيفضل سندى .. لأنه جمهور وفى .. جمهور أصيل .. ربنا يشهد اني لم أقصر لحظه لا فى حق النادى .. ولا حق جمهوره .. وبذلت أقصي ما أملك حتى آخر لحظه، وأتمنى أكون قدمت ولو جزء من اللى يستحقه الأهلى وجمهوره .. فى هذه اللحظه الصعبه على نفسى، عايز اسجل شكرى للنادي الأهلي وإدارته وعلي رأسها المحترم الكابتن محمود الخطيب .. وكل الشكر للجماهير اللى مهما تكلمت مش هقدر أعطيها حقها .. شكرا لكل المدربين اللى ساعدوني من أول يوم".