رضا عبد العال: فيريرا كدبة كبيرة ومنجحش قبل كدا مع الزمالك

شن رضا عبد العال نجم الأهلي والزمالك السابق، هجوماً على لاعبي الزمالك بعد مباراة الفريق مع الاتحاد السكندري ضمن مباريات الأسبوع الخامس عشر من الدوري المصري الممتاز.

وقال رضا عبد العال في تصريحات تليفزيونية على قناة تن ببرنامج "البريمو": "فيريرا ده كدبة كبيرة، ومنجحش مع الزمالك قبل كدا دا كان جي من نص الموسم، وماتش الاتحاد مافيش منه لمسة أو فنيات، شيكابالا هو اللي عمل كل الشغل كله بعد نزوله".

وأكمل: "الدليل على أن فيريرا ضعيف فنياً أنه بيلاعب إسلام جابر على حساب رزاق سيسيه وشيكابالا، والزمالك هيقع عشان الراجل دا ماشي بطريقة غلط".

وأردف: " المفرود اللي يلعب شيكابالا ورزاق سيسيه على حساب أوباما وإسلام جابر، هما دول لاعيبة الكورة اللي هيكسبو نادي الزمالك، مش لاعيبة فاقده أساسيات ومش بتعرف تتمركز".

وأختتم قائلاً: " فيريرا لازم يمشي دا كان جي غلطة بسبب جماهير الزمالك الللي طلبت أنه يجي، ومجلس الإدارة سمع كلامهم وجابهلهم".