أحمد مرتضى: "أنا ضد إقالة كيروش".. وهذا موقفي من تعيين إيهاب جلال لتدريب المنتخب

تحدث أحمد مرتضى منصور عضو مجلس إدارة نادي الزمالك، حول تعاقد اتحاد الكرة مع إيهاب جلال كمدير فني لمنتخب مصر خلفاً لإيهاب جلال.

وقال في تصريحات تليفزيونية على قناة " الحدث اليوم": " إيهاب جلال شخصية محترمة وعنده فرصة جيده مع منتخب مصر، العيب مكنش في كيروش أو كوبر أحنا عندنا مشكلة في كرة القدم المصرية".

وأكمل: " عندنا مشكلة في مركز الظهير الأيمن، وفي مراكز كتير نعاني منها، وكنت ضد قرار إقالة كيروش فهو مظلوم".

وأضاف: " أنا لسه معملتش حاجة مع فرق الصالات وأنا ضد مقولة أني هعمل ثورة تصحيح، لأن نادي الزمالك كل عام بياخد بطولات واسم كبير".

وزاد: "أنا عندي تجربة في كرة القدم ودا اللي خلاني، عندي خبرة مع فرق الصالات والأن جاء الدور لتنفيذ ما تعلمته معهم".

وأردف: " لازم نوفر اللبس بتاع ألعاب الصالات للاعيبة بكواليتي معينه، مش أي لبس وخلاص زي ما كان غيرنا بيعمل".