رضا عبد العال: "إيهاب جلال خرج الزمالك من دور الـ64 أمام ولايتا ديتشا عمرها ما حصلت في التاريخ"
الثلاثاء 12/أبريل/2022 - 09:21 م
شن رضا عبد العال هجوم على اتحاد الكرة، بعد تعيين إيهاب جلال مديراً فنياً لمنتخب مصر، خلفاً لكارلوس كيروش الذي رحل عن تدريب الفراعنة بالتراضي.
وقال رضا عبد العال خلال فيديو نشره على صفحته الرسمية: "جمال علام راجل مش بتاع كورة ولا هو ولا محمد أبو الوفا، سيبوا الاختيارات لحازم إمام ومحمد بركات، لو أنتو مش عايزنا نشجع منتخب مصر قوللنا"
وأضاف: " إيهاب جلال تاريخه أيه دا ملعبش دولي، لما كان بيدرب الزمالك اللاعيبة الكبيرة كانت بتزعقلو وبعد كدا يلاعبهم الماتش الجي".
وأكمل: "بطالب حسام حسن يغير جنسيته ويروح يدرب بره، خايفين من حسام حسن ليه، أنتو جايبين إيهاب جلال عشان تطلعوا منو سبوبة تم الاختيار بناء على أيه، هو مش أفضل من حسام حسن ولا حسن شحاتة ولا أحمد سامي ولا علي ماهر".
واشار: " لما درب الزمالك خرج من الكونفدرالية دور الـ64 أمام ولايتا ديتشا عمرها ما حصلت في التاريخ".
وأردف:" أنا عايز مسئول من اتحاد الكرة يطلع يقول أختارنا إيهاب جلال بناء على كذا وكذا، وأيه المعيار اللي جيه عشانه".
وأختتم قائلاً: " هو هيتعامل أزاي مع محمد صلاح ونجوم منتخب مصر، دا رجل ملهوش تاريخ دولي، علىا الأقل حسام حسن نجم كبير ولعب دولي وهيعرف يتعامل مع أي حد".
