"كشرى التحرير" يثير غضب المواطنين بعد منعه دخول سيدة مسيحية وابنتها قبل الإفطار
الإثنين 11/أبريل/2022 - 11:27 م
كشفت مواطنة تدعي سيلفيا بطرس، تعرضها لموقف محرج هى وابنتها بعد رفض مطعم كشرى شهير دخولها لتناولها وابنتها الطعام قبل آذان المغرب، وهو ما أثار حالة من الغضب والاستياء على السوشيال ميديا من موقف المحل.
وقالت سيلفيا بطرس عبر صفحتها الشخصية على موقع التواصل الاجتماعى، " نزلت النهارده جبت بنتي من الحضانة، كان عندها تمرين روحنا جري على هناك وباباها خلص شغله وعدى علينا، بعدما خلصنا بنتي قالت أنا جعانه، قولنا فرصه واحنا بره نعدي ناكل أي حاجه، وبما اننا صايمين ولقينا كشرى التحرير - Koshary El Tahrir فاتح وشغالين قولنا ناكل ونروح،، قعدنا وطلبنا وجه الاكل، ويادوب البنت بتاكل أول معلقه لقينا واحد من العاملين جاي بيقول ممنوع الأكل قبل المغرب قولت له يعني ايه ؟!!! مش ده مطعم ومفتوح والناس قاعده ،، قالي اه الناس تقعد بس محدش ياكل قبل الآذان !!!!".
وتابعت سيلفيا بطرس ،" قولت له انت صايم ومستني الآذان براحتك أنا مش صايمه للمغرب وقاعده في "مطعم"والأكل قدامي ازاي ماكلش قالي هو ده النظام !!!! ولقينا واحد تاني جاي غالباً مديره وبيكرر نفس الكلام ف احنا بقى مطلوب مننا نطلع معلقة الأكل من بق البنت ونقنعها انها ماتاكلش في المطعم علشان فيه ناس قرروا يفرضوا ده على غيرهم هل الصيام بالعافيه حتى على المسيحيين ؟! ولا هو علشان كتير الواحد بيراعي شعور اللي حواليه فبقى حق مكتسب ونتعاقب لو عملنا العادي أو بنتي جاعت واحنا في الشارع ؟!!".
