مسلم: "اتخانقت مع حودة بندق بسبب أغنية يا اصفر ومش بنفسن من شاكوش وبيكا"
الأربعاء 06/أبريل/2022 - 11:27 م
كشف مطرب المهرجانات مسلم، عن أن آخر خناقة بينه وبين حودة بندق كانت بسبب اغنية "يا أصفر"، قائلا: "حودة بندق معملنيش واحنا كلنا أسباب لبعض وهو شخص ناجح وهو كان أول الشهرة، وآخر خناقة بينا بسبب الأغنية بتاعة يا أصفر وهي كانت بتاعتي وحودة بندق كان عايز يخش في الاغنية".
وأضاف المطرب مسلم، خلال حوار ببرنامج "ضرب نار"، مع الاعلامية داليا فؤاد، على قناة القاهرة والناس، أنه شعر بالحزن بعد غناء حودة بندق لأغنية "يا اصفر"، متابعا: "المفروض الكلام عليه في الاغنية كان على بندق وهو خدها وغناها، ولقيت الاغنية بتنزل على اليوتيوب والسوشيال ميديا وزعلت لأني تعبت في الاغنية".
ورد المطرب مسلم، على حقيقة شعوره بالغيرة من حسن شاكوش وحمو بيكا، قائلا: "أنا مش منفسن من حسن شاكوش وهو أخويا ومن كلامي في التليفون معاها راجل محترم، وحمو بيكا قلبه طيب، والناس دي فى حته وأنا في حته بيغنوا لون مختلف عن اللون بتاعي"، متمنيا أن يغني دويتو من النجوم حمزة نمرة وسعد لمجرد.
