رمضان صبحي عن لعبه للزمالك:"باخد كل قراراتي من دماغي وكابتن إكرمي مش بيتدخل في حاجة"

تحدث رمضان صبحي حول فريقه الحالي بيراميدز، وعن مستقبله القادم، حول انتقاله للزمالك أو العودة للنادي الأهلي مرة أخرى خلال تصريحات تليفزيونية.

وقال رمضان صبحي في تصريحات تليفزيونية ببرنامج "كلام الناس": " أنا لسه معملتش تاريخ عشان الناس اللي بتقول رمضان باع تاريخه، أنا رحت لبيراميدز عشان شايفه مشروع محترم وطموحات كبيرة".

وأضاف: " مافيش مسئول في الزمالك كلمني أو أتواصل معايا، ودايماً بسمع الكلام دا من الإعلام، ومش عارف دا في مصلحة مين".

وأردف: " كابتن إكرامي لما قال لو رحت الزمالك هدبحوا، دي أكيد مداعبه، وأنا باخد كل قراراتي من دماغي وكابتن إكرامي مش بيدخل في أي حاجة تخصني".

واشار: " لو الأهلي والزمالك بيلعبوا مع بعض مش هشجع حد دي حاجة أنا ماليش علاقة بيها، أهم حاجة مصلحة فريقي بيراميدز".

وأختتم قائلاً: " الأهلي لو بيلعب في أفريقيا بشجعوا نفس الكلام للزمالك، بشجع أي فريق مصري بيلعب في أفريقيا، ومن وأنا صغير كنت بشجع الأهلي، قبل ما أكون لاعب كرة لكن دلوقتي أهم حاجة فريقي".