فودافون تتسبب في أزمة بعد تسريب بيانات أحدى العميلات خلال حملة إعلانية

أزمة تسببت فيها شركة فودافون لفتاة تستخدم إحدى شرائح الهاتف التابعة لهم، عندما استخدموا رقمها في السباق الإعلاني لهم في شهر رمضان 2020، ما تسبب في تعرضها لمضايقات عديدة من قبل من شاهدوا ذلك الإعلان من المتابعين حيث اتصل بها عددا كبيرا منهم وارسلوا لها رسائل عدة.

قالت الفتاة وتدعى حبيبة المالكي على صفحتها "حاليا بجد انا مش قادرة اصدق ان في شركة بالتسيب دا خصوصية العملاء عندهم حاجة تافهة لدرجة أن رقم حد من العملاء يظهر في إعلان، ويشاء القدر أن الاستاذة سارة فريد تطلع برقمي أنا نفس الرقم بالظبط".

وتابعت "وافضل من امبارح معاكسات وقرف وحاجة في قمة الزفت واللي يضحك اني عرفت من الناس اللي بتكلمني، أنا حقيقي مش هعرف اغير رقمي ومش عارفة اعمل ايه وانا من امبارح فاكرة أن كل المعاكسات والاتصالات دي أن حد وزع رقمي + معايا اسكرين شوت".

وأردفت "والفيديو ظاهر في الاعلان رقمي كامل ماعدا آخر رقم و اللي حقيقي توقعة كان سهل جدا بسبب جدا لدرجة ان الارقام دي كلها مكلماني و بعتالي والاسكرين شوت لكل المعاكسات موجودة وانا اكيد مش هنزل الرقم في العلن كامل من الاعلان عشان الاقي اللي لسه مكلمنيش بيكلمني".

بينما قالت إحدى أقاربها "معلش ركزوا معايا بس ولو حد عنده حل ياريت يقول، الموضوع يبان عبثي شوية بس هي مشكلة الحقيقة، إعلان ڤودافون اللي مصر كلها شافته وكلكم شوفتوه الرقم اللي الاستاذة سارة فريد فالاعلان بتديه لصاحبها يشاء القدر ان الرقم ده يكون رقم بنت خالتي".

وتابعت "ودي سكرين شوت من شات طبعا من عشرات الشاتس اللي عمالة تتبعتلها والمكالمات اللي عمالة تجيلها، انا حقيقي معرفش Vodafone Egypt  ازاي يحطوا اي رقم مكون من 10 ارقام ويكون valid كدة معرفش بصراحة فين العقل وفين التفكير ما طبيعي اي حد هيشوف الرقم هيجرب ويحط الرقم الاخير، بعد اذنكم لو حد يعرف طريقة نتواصل بيها معاهم يشيلوا الجزء ده من الاعلان او اي حل عشان مكالمات كتيرة جدا وغير قلة الادب اللي عمالة تتعرضلها"

وأضافت "اتصلت بخدمة العملاء وبيطلبوا منها تغير الرقم او تعمل بلوك لاي حد يتصل، حقيقي اخر استهتار وقلة ذوق".