الرئيس السيسي: "أنا مش رئيس.. وسفرتي مش مختلفة عنكم"
الأربعاء 23/مارس/2022 - 02:13 م
قال الرئيس عبد الفتاح السيسي إنه لا يوجد أي أزمات تواجه الدولة بشأن توفير السلع الاستراتيجية، وتابع "حد يطلع على مواقع التواصل يقولك السيسي بيقولنا متاكلوش، في البيت بقولهم كدا، ما أنا مش رئيس، فيقولك أكيد السفرة بتاعته مختلفة وبيأكل من الجنة، وبقول متجبوش دي وجيبوا دي مش مهم الوفرة اللي في بيتي المهم الإنفاق".
وعبر في كلمته في احتفالية تكريم الأمهات المثاليات بمركز المنارة بالتجمع الخامس عن سعادته بلقاء الأمهات المثاليات، ووجه التحية والتقدير لكل السيدات المصريات، متابعا "ندعو الله أن يتغمد السيدات المتوفيات بالرحمة بحق كل حاجة حلوة عملوها، بحق كل أكلة صنعوها، وبحق كل دعوة دعوها، وينقول يارب هما اكرمونا كلنا وبقوا في الدار الحقيقة فتفضل عليهم بكرمك وعطفك".
وتابع "اليوم دا يوم جميل أوى لنتذكر الفضليات والعظيمات"، كما رد الرئيس السيسي على إحدى الأمهات المثاليات التي طالبت التصوير معه وعبرت عن استيائها بسبب عدم تكريمها "متزعليش حقك عليا أنا، إحنا بدنا نكرم كل السيدات لأن كل ست في بيتها بتقوم بجهد كبير أوي لا ينكره إلا جاحد".
ونعى اتنين من كبار القادة قائلا " اتنين من كبار القادة توفوا وجنازتهم انهارده، اتنين من قادة أكتوبر الفريق عبد المنعم خليل والفريق عبد ربه النبي حافظ توفوا بالأمس وجنازتهم انهارده".
