مي حلمي لـ رضا عبدالعال: "برنامجي الجديد مفيهوش هبد"
الخميس 03/مارس/2022 - 03:04 م
ردت المذيعة مي حلمي على تصريحات المحلل الرياضي رضا عبد العال وهو واقعة طلبه 100 ألف جنيه ليحل ضيفا في برنامجها الجديد.
كتبت مي حلمي عبر حسابها بموقع التواصل الاجتماعي "انستجرام" بخاصية القصص المصورة، "كابتن رضا عبد العال زعلان يا جماعة عشان جاوبت على سؤال بصراحة، لما قالوا لي هاتي كابتن رضا في البرنامج الجديد، قولت لهم لما طلبته قبل كدة قال عاوز 100 ألف، لكن البرنامج الجديد لسه هندفع طيران ومن مصر على الإمارات وقصة، وبنصور حاجة مش عاوزة هبد، حاجة من أرقى ما اتعمل في البرامج الكرة، فهجيب الناس اللي شالتني في الحكم".
وتابعت: طيب، أنت زعلان ليه يا كابتن من الصراحة، ما أنت بتقول رأيك براحتك وبتنتقد عاطل مع باطل صح ولا غلط، وطلعت عين أم النني لحد ما الشنواني قال لك حسبي الله ونعم الوكيل، زعلان إني بحكي موقف حقيقي من غير هبد.
