الرئيس السيسي: معدلات العمل غير مسبوقة ولسة بدري وهنكمل
الأربعاء 02/مارس/2022 - 11:06 ص
وجه الرئيس عبدالفتاح السيسي، بتحرير حركة المرور في غرب النيل والقاهرة المتمثل في محافظة الجيزة بشكل لا يقل عما حدث في شرق القاهرة والنيل: "نبقى إحنا بكده عملنا الحركة الرئيسية، وده تحدي بالنسبة لنا، موضوع زي منطقة كرداسة، بنتكلم في عدد سكان كبير أوي، طب أنت حليت له المسألة على محور رئيسي سواء عرضي أو طولي حول المدينة أو الحي ويخلي في حركة".
وأضاف الرئيس السيسي، "الطرق في كرداسة وناهيا وبولاق بسيطة يمكن حارة أو حارتين، لكن في النهاية إحنا حلينا الموضوع حول الجيزة وعبرها، لكن أنا كمان عاوز أخلي المواطن في بولاق يتحرك بشكل كويس، ومش بس كده.. مش معقولة الفاصل بين البيوت كلها في الكتلة دي 10 أمتار أو 20 مترا.. الموضوع ده محتاج دراسة مع محافظة الجيزة، ونشوف المحاور جوه الأحياء دي".
واستكمل الرئيس السيسي، "الناس انتقدتنا لما عملنا المدن الجديدة وقالت بتصرفوا فلوس كتير بس تخيلوا لو الكلام ده لو اتعمل من 40 سنة وكان فى تخطيط سليم، "معدلات العمل غير مسبوقة ولسة بدري وهنكمل".
وتابع: "عشان نعمل ده هنضطر نعمل بعض الإزالات، وفي مبدأ عام الدولة حطته على نفسها، وهو إن أي إزالات بتتعمل لصالح النفع العام الدولة بتعوض الناس، وبالنسبة للخطة التي استعرضها اللواء إيهاب الفار رئيس الهيئة الهندسية للقوات المسلحة لتطوير طرق الجيزة فإحنا المفروض نبقى طموحين ونخلص السنة دي لأننا لسه في أول السنة".
وشهد الرئيس عبدالفتاح السيسي، افتتاح الصالة المغطاة بمجمع حسن مصطفى، وذلك عبر تقنية الفيديو كونفرانس، جاء ذلك خلال افتتاح الرئيس عبدالفتاح السيسي، اليوم الأربعاء، عدداً من المشروعات القومية بنطاق القاهرة الكبرى في قطاعي الإسكان والطرق بمدينة 6 أكتوبر.
يضم المجمع العديد من الصالات الرياضية، ويضم المجمع مقر فرعى للاتحاد الافريقي لكرة اليد، ويمثل تطويرا لقاعدة الممارسة فى إطار نشر ثقافة إعداد البطل الرياضى، ويضم حمام سباحة ونادى صحي.
