سيد علي يهاجم ظهور لاعبي المنتخب بالإعلام: "اقفلوا بقوكوا شوية"

وتابع في برنامجه " حضرة المواطن"،" لازم تتعلم مابتعرفش تتكلم أسكت ماينفعش تتكلم عن الزوجة وعن البيت بالشكل ده .. اللي أنت بتعمله طول عمرك ممكن تيجى بكلمة تخسره فى ثانية.. لما تطلعوا فى برامج ابعدوا عن حياتكم الشخصية انتوا اللي بتدوا فرصة للصحافة إنها تتكلم عن حياتكم الشخصية".

وكانت زوجة محمد أبو جبل الجزائرية الأميرة سمارة يحيي قد علقت بعد ظهور محمد أبو جبل، حارس مرمي نادى الزمالك، مع الإعلامية مني الشاذلى وكانت إجاباته على شائعة انفصالهما وعن الزواج بوجه عام مثيرة للجدل .

وقالت "سمارة": "من فترة وأنا مقفلة على الموضوع وكاظمة غيظي فى قلبي لأنه أولًا الموضوع شخصي ثانيًا أنا مش من النوع اللى بيستغل المشاكل عشان يطلع بيها تريند وثالثا احتراما للعائلتين".

وقالت:" للأسف الطرف التاني تفكيره غير تفكيري توقعت منه إجابة أذكي من كدا بكتير وطريقة احسن من تلك الطريقة.. وبالرغم من انه لاتوجد قناة أو صحيفة متواصلتش معايا لكن أنا اختارت السكوت بدل من الكلام ايا كان الرد بالنفي او التأكيد فالبيوت أسرار".

وأضافت: "الحمدلله عندي وعي كافي ومسؤلية كافية انى متكلمش فى الموضوع حتى ينتهي بالطريقة اللى ربنا شايف أنها فيها خير لينا احنا الاتنين لكن مدام الموضوع اخد اكبر من حجمه واذاني انا وكل الناس ال بتحبني حابة اطلب شئ منكم فضلا وليس امرا وانا اختكم الموضوع هذا ينغلق اليوم وسوف نترك الخلق للخالق".