دعاء عامر تكشف تفاصيل إصابتها بمتحور أميكرون
الأربعاء 02/فبراير/2022 - 05:58 م
تحدثت الإعلامية دعاء عامر على حسابها الرسمي عبر موقع تبادل الصور والفيديوهات "إنستجرام" موضحة تفاصيل إصابتها بمتحور أميكرون مؤخرا، وكشفت عن شعورها بكل أعراضه على عكس الكثيرين الذين يشعرون ببعض الأعراض فقط.
وعلقت قائلة: "الدور ده جيه لناس كتير اوي و اعراضه واحده.. في ناس بيجيلها بعض الاعراض و ناس بيجيلها كل الاعراض، زيي انا كده جالي كل الاعراض الحمد لله وجع الزور و الاذن و الصداع و المغص و الدوخه و الشرقه و الكحه و تكسير الجسم ووجع الضهر و الرعشه و الحراره".
أردفت: "والحاجه الغريبه ان الاعراض بتقل ايام و تزيد ايام.. يعني مثلا الصداع يزيد ايام و يقل ايام و يرجع يزيد تاني، كده اعراض تخف وبعدين ترجع تاني، حاجه سخيفه انك مش عارف تمسك اخر الموضوع".
وأكملت: "لكن الحمد لله ان الموضوع يأخد وقته مع العلاج و الراحه و شرب السوايل والمفروض التغذيه، هيعدي على الكل و الحمد لله وخير ان شاء الله".
