حسام داغر فى ذكرى وفاة والدته: كان نفسي تبقي معايا وتشوفيني ناجح

شارك الفنان حسام داغر صور تجمعه بوالدته على صفحته الشخصية عبر موقع تبادل الصور والفيديوهات "انستجرام"، بمناسبة ذكرى وفاتها الثانية، وأرفق معها رسالة جاء فيها: "اليوم الذكري السنويه التانيه لعودة روحي الي خالقها، الله يرحمك يا امي نفس الاجواء بتتعاد و كل حاجه زي ما هي في ذاكرتي كان معداش سنتين،

وتابع: "دايماً فاكرينك بالخير بس الدنيا مرجعتش تاني زي ما كانت و انتي وسطنا ايام و بعيشها حققت فيها حاجات كان نفسي تبقي معايا وسطها وتشوفيني ناجح، للاسف الفرحة عمرها ما هترجع كامله تاني، دايماً في حاجه كبيرة ناقصاني واحساس بالفراغ مع كل خطوة، يا رب الهمني الصبر". 

وقال: "الجميل اني بشوفك في احلامي انتي و بابا الله يرحمه كل فترة، نفسي ارجع ليوم واحد وانا صغير معاكم، بس دي سنة الحياة، برجاء الدعاء لروح والدتي الحاجه ست الكل، 

واستشهد على رسالته بحديث لـ رسول الله صلي الله عليه و سلم: "إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له".

واختتم رسالته قائلًا: "وهي كانت معتبره الكل ولادها و كل صحابي عارفين ده كانت ام طيبه حنونه جدعه دمها خفيف تحب الخير لكل وكانت تدعي للكل بالصحه والستر وراحة البال، يا رب محيلتيش غير الذكريات الحلوة اعيش عليها و الدعاء والقران ارسله ليها وهي في رحمتك الان وانت خير الراحمين".