"فيديو صدمة"..سيدة تستغيث بالقومى للمرأة: جوزى قطع لسانى ورأسى بالموس
السبت 15/يناير/2022 - 02:42 م
قالت مريم السيدة التى قام زوجها بالتعدى عليها بالموس وتشويه وجهها وحلق شعرها بالوراق، إنها فوجئت يوم الواقعة أثناء اصطحابها لإبنتها للحضانة بقدوم زوجها فى التوك توك والتعدى عليها بالموس وحبسها فى منزل مجهول وربطها بالجنزير.
وتابعت فى بث مباشر مع " مصر تايمز" ،" أنا كنت عايزة أعيش حياتى وربنا شاهد على كل كلمة بس ماينفعش أعيش فى الرعب ده .. كان بيطلع الصينى من النيش ويضربنى بيه وقطع بوقى وراسى"، متابعه،" بنتى بقت تخاف منى وتقولى شكلك مرعب يا ماما".
وقالت " أنا مرعوبة وجوايا رعب كبير وعايزة حقى ومش عايزة غير بنتى وبس". مناشدة القومى للمرأة بالتدخل وإنقاذها.
