رانيا يوسف: "اللي مش عاجبه مايبصش وأنا قدوة لعيالي"

ردت الفنانة رانيا يوسف على الانتقادات التي وجهت إليها، بعد ظهور ابنتها نانسي بفستان "بدون بطانة" خلال ختام فعاليات مهرجان الجونة السينمائي بدورته الرابعة .

وقالت رانيا من خلال مداخلة هاتفية في برنامج " Mbc Trending"، "أنا اللي اخترت لنانسي أنها تلبس الفستان، كانت فكرتها لما قالتلى انا عايزة آجي معاكي على الريد كاربت وألبس الفستان ده ، وانا شجعتها تعمل اللى هى عايزاه".

وأضافت رانيا: "أنا ولا بختار لبنتي لبسها ولا حياتها والأجيال اللي طالعة هي اللي بتختار لنفسها كل حاجة، بس مهمتي في الحياة أني أصرف عليهم، وبنتي هي اللي بتختار لبسي وأعمالي، وعيالي شايفنِّي قدوة ليهم وبيعملو كل اللي في نفسهم ما دام مش بيأذوا حد".

 وأكملت، "انا بنتي مش فنانة و من حقها تلبس اللي هي عايزاه من غير ما حد ينتقدها.. هى  حرة  والفنانة كمان حرة تلبس اللي عايزاه واللي مش عاجبه مايبصش مش مشكلتي".

واختتمت رانيا قائلة: "السوشيال ميديا بقيت حاجة سخيفة أوي وكل اللي ملوش رأي  بقى يتدخل في حياة البشر بشكل مش  طبيعي  ناقص ينتقدوا الأكل كمان اللي بأكله".