سمية الخشاب تدافع عن معلمة الدقهلية: بتعبر عن سعادتها يعني مكفرتش
الأربعاء 05/يناير/2022 - 08:35 م
علقت الفنانة سمية الخشاب على واقعة رقص معلمة الدقهلية على مركب فى النيل مما تسبب فى إحالتها للتحقيق ووقفها عن العمل ، حيث قالت " شوفت فيديو لمدرسه طاقتها جميله وايجابيه ومتصالحه مع نفسها، رقصت مع زمايلها اللي هما زي اخواتها وبتعبر عن سعادتها يعني مكفرتش!! اللي صورها بقي واقتحم خصوصيتها ده اللي لازم يتعاقب!! ارحموا من في الارض يرحمكم من في السماء، يتخرب بيتها عشان بتعبر عن سعادتها في مكان عام وسط زمايلها؟".
وتابعت سمية الخشاب على واقعة رقص معلمة الدقهلية " واعتقد والله اعلم اللي صورها اما واحده حاقده وغيرانه منها او واحد مريض ونيته سوده وبرضه غيران منها، لو كل واحد يخليه في حاله ويسلك حياتنا حتتغير للافضل، فعلا الجهل كارثه كبيره".
وكانت الإعلامية لميس الحديدي قد علقت على واقعة إحالة 5 معلمين بإدارة غرب المنصورة التعليمية للنيابة الإدارية، لقيامهم بالمشاركة في وصلة رقص على مركب نيلية أثناء مشاركتهم في رحلة نظمتها نقابة المعلمين بغرب المنصورة.
قالت الحديدي: "دي برضه تدخل تحت بند واقعة تنمر أخرى عبر السوشيال ميديا دي حفلة عادية والناس رقصت وإحنا بنرقص على المزيكا سواء في الأفراح أو في البيت وفي أعياد الميلاد والحفلة كان فيه "دي جي" على المركب والمدرسين والمدرسات رقصوا لأن الشعب المصري بطبعه شعب فرفوش.
