لغز السيارة الأجرة والطفل المقيد.. صحفي يناشد الداخلية سرعة التدخل
الثلاثاء 28/ديسمبر/2021 - 10:38 م
نشر الصحفي تامر عبده أمين على صفحته الشخصية على موقع التواصل الاجتماعي "فيسبوك" موقفًا مريبًا كانت شاهدة عليه الدكتورة زينب صلاح، دكتورة بكلية الآداب جامعة حلوان.
قال تامر في منشوره: (ده موقف حصل من أقل من نص ساعة دلوقتي.. كلمتني صديقتي دكتورة "زينب صلاح" وقالتلي إنها وهي سايقة عربيتها على كوبري أكتوبر شافت التاكسي اللي موجود في الصورة ده).
وتابع: (تاكسي ماشي بسرعة جنونية مش معقولة وكان هيخبط في كذا عربية جنبه.. لما جه قصادها شافت راجل كبير قاعد جنب السواق وبيضرب بعصاية طفل عنده ١٠ سنين قاعد في الكنبة اللي ورا بشكل هستيري والطفل باين عليه ابن ناس وحركته متقيدة وبيصرخ من ورا الإزاز بشكل بيوحي إنه مخطوف!).
وأضاف: ("زينب" حاولت تجري وراه أكتر عشان تصورهم بس التاكسي كان مكمل في طريقه بشكل جنوني وماقدرتش تحصله!.. فيه حاجة غلط حاصلة وكل الاحتمالات واردة من أول إن الطفل يكون مخطوف أو إنه يكون فريسة لشخص معندوش ضمير).
واختتم تامر عبده: (الموقف كان من نص ساعة، و"زينب" مش عارفة إيه اللي المفروض تعمله وهي مستعدة لأى حاجة تتطلب منها.. أنا كتبت وعندي ثقة ومتأكد إن رجالة الداخلية تقدر تحل اللغز الغريب ده يمكن نلحق مصيبة).
