السيسي يمازح الحاج سعيد: "تشتغل كوبري دشنا وتاخد فلوسك بعد سنة؟"
السبت 25/ديسمبر/2021 - 01:23 م
تعاقد الرئيس عبد الفتاح السيسي، اليوم السبت، على مجموعة من مشروعات لمحاور جديدة في دشنا وكوبري دار السلام، مع عدد من المقاولين على الهواء وأصحاب الشركات.
وداعب الرئيس السيسي على هامش تواجده في محافظة قنا، لافتتاح سلسلة من المشروعات القومية، أحد رؤساء هذه الشركة ويدعي الحاج سعيد، قائلًا له: "هديك الفلوس بعد سنة"، : "يا حاج سعيد تشتغل فى كوبرى دشنا ده وتخلصه خلال سنة، وتاخد الفلوس بعد سنة، أحرجتك، طب أديك جزء؟"، ورد الحاج سعيد: "أخلصه، أوامرك يا فندم".
واتفق الرئيس السيسي على دفع الدولة 25% من قيمة هذه المشروعات على أن يتم تنفيذها خلال عام واحد، كما وجه السيسى، على هامش افتتاح عدد من المشروعات التنموية بالصعيد، من محافظة قنا، اليوم السبت، حديثة للمهندس هانى تادروس من شركة السلام: "تدخل فى كوبرى دار السلام وتاخد 25% ولما تخلص تاخد الباقى".
ووجه الرئيس عبدالفتاح السيسى، الشكر للمقاولين العاملين بالمشروعات قائلا: "طبعا بشكر المقاولين، الناس اللى شغالة مع الدولة جدعان قوى".
ودعا الرئيس عبدالفتاح السيسي، اليوم السبت، وزارة التجارة والصناعة إلى إنهاء البيروقراطية بشأن المجمعات الصناعية، قائلا: "لو معملناش كده مش هانقدر نحقق النجاح اللى بنتمناه".
وقال الرئيس السيسي، "الهدف الرئيسي لإنشاء المجمعات الصناعية هو توفير فرص العمل ورفع معدلات التشغيل، بقول دايما للناس اللي معايا أهم حاجة بالنسبالي إن المواطن يشتغل ويرجع بيته بقرشين لولاده حتى لو إحنا مش هنستفاد بحاجة".
