حمو بيكا عن وقوعه داخل المسرح:" مش عارف الناس عايزة إيه منى"
الجمعة 24/ديسمبر/2021 - 11:22 م
علق مطرب المهرجانات حمو بيكا على وقوعه على مسرح حفلته بالسعودية فى مشهد محرج أمام جمهوره قائلا " أنا بخير وصحة وسلامة"، متابعا " اللى بيتكلم عليا كلمة وحشة هتقعد ليه ولعياله واللى بيتمنالى الخير انا بحبه".
وتابع فى بث مباشر على صفحته بموقع التواصل الاجتماعى ،" مش عارف الناس عايزة إيه منى .. الناس كرهالى الخير والنعمة مش عارفة ليه .. طول ما انتوا كده ربنا هيفضل معايا .. لقمة عيشى اتمنعت فى مصر بس ربنا بعتلى رزقى ولقمتى من حتة تانية".
وقال " انتظروا كافيه ومطعم بيكا فى البطاش وافتتاح فرع بيكا ساندوتش فى جدة بالسعودية .. الحمد لله ربنا كارمنى وانتظروا أغنيتى الجديدة مع عمر كمال قريبا.
وتداول رواد مواقع التواصل الاجتماعي فيديو تعرض مؤدي المهرجانات حمو بيكا لموقف محرج خلال إحيائه حفلا في المملكة العربية السعودية.
وتضمن الفيديو وقوع حمو بيكا أثناء دخوله لمسرح الحفل وقيامه بالتنطيط والتفاعل أمام الجمهور وقع بشكل مفاج وهو يرقص بسبب كسر خشبة المسرح.
