قالهم "أنا عندي عيال".. علقة ساخنة من الركاب لـ"متحرش مترو جديد" (صور)

تداول رواد موقع التواصل الاجتماعي "فيس بوك"، منشور لشاب يدعى محمود كُريّم يتضمن قيام شخص بتصوير فتاة بمترو الأنفاق دون علمها. 

وقال "كُريّم" عبر حسابه الشخصي بموقع التواصل الاجتماعي "فيس بوك": "المتحرش ده كان بيصور بنت في المترو دلوقتي وأنا شفته قمت نزلت فيه ضرب والبنت فهمت وانهارت من العياط والناس قاموا ضربوا معايا.. مفيش راجل سابها كلنا وقفنا معاها لحد ما جبنا الشرطة وعملنا محضر". 

وتابع الشاب محمود كريم: "السواق وهو ماشي بعد ما شهدنا قاللي الله ينور يا باشمهندس.. فرحني بجد والمتحرش ده عمال يقول أنا متجوز وعندي عيال وبقرا قرآن قلتله ما كلكوا كده".