رضا عبد العال: كيروش مدرب "معندوش فكرة" وجاب أخره مع المنتخب
الأحد 19/ديسمبر/2021 - 12:31 ص
فتح رضا عبد العال نجم الكرة المصرية السابق النار على البرتغالي كارلوس كيروش المدير الفني لمنتخب مصر، بعدما أنهى المنتخب الوطني مشاركته في بطولة كأس العرب التي أقيمت في قطر بالمركز الرابع.
وقال رضا عبد العال في تصريحات لبرنامج "البريمو"، تعليقاً على هزيمة منتخب مصر أمام قطر بركلات الترجيح في مباراة تحديد صاحب المركز الثالث والميدالية البرونزية في بطولة كأس العرب، "كيروش كان لازم ياخد شنطته ويمشي بعد ماتش قطر، ده مدرب معندوش فكرة وخلاص جاب أخره مع المنتخب".
وأضاف، "ده بيقول أننا أحرجنا قطر ليه هو إحنا كنا بنلاعب البرازيل، منتخب مصر من غير شخصية مع كيروش، احنا لو بعتنا وادي دجلة يقابل قطر يكسبها تلاتة".
وتابع، "منتخب مصر فقد هويته تحت قيادة كارلوس كيروش ، ولابد من رحيله عن تدريب الفراعنة ، قبل كأس الأمم الإفريقية المقبلة بالكاميرون ، والمرحلة الحاسمة للتأهل إلى مونديال قطر 2022، مش عارف اللي جابه اتعاقد معاه على أساس إيه، ده اتشال من كل المنتخبات اللي كان بيدربها".
