فتاة تروى تفاصيل محاولة قتلها وتعرض سيارتها للسرقة على الدائري
الإثنين 26/أكتوبر/2020 - 03:08 م
تعرضت إحدى الفتيات لمحاولة سرقة على طريق الدائري، ولكن عملية السرقة هذه المرة مختلفة بعدما سردتها منى رجب، الفتاة التى تعرضت للسرقة حيث يشارك اللصوص فى السرقة ونش إنقاذ.
وقالت منى رجب " أنا إتسرقت مني عربيتي وشنطتي إمبارح عالدائري وكانوا هيقتلوني عادي، الحادثة حصلت إمبارح بين الساعة ٧:١٥ و ٧:٣٠ بليل قبل طالعة المنيب والمعادي ونزلة المريوطية ،بيقولولي في القسم إنها عصابة جديدة ملهاش ملف وبيتعاملوا بمنتهي الثقة وبيبقى مشترك معاهم “ونش إنقاذ” .
واستطردت قائلة" هما كانوا تلاتة في ميكروباص ابيض وكان فيه ستاير كأنة بتاع شركة وقفوا قدامي وانا في اقصى الشمال و وقفوا الدائري كله مش مجرد شاورولي والكلام ده ، وبعد الحادثة على بعد كيلو او اتنين كان فيه عربيات شرطة قبل طالعة المنيب ولما رحت القسم أهتموا بيا بصراحة وعملوا المحضر وبلغوا في كل حتة عن أوصافها بس وانا خارجة من القسم لقيت بنت تانية بتصرخ لنفس الموضوع !! أنا فعلاً كنت هموت لولا ستر ربنا .. هيموتوني زي ما مبيموتوا ويسحلوا ويسرقوا ويثبتوا كل يوم وهتتكرر نفس الحوادث اللي بنسمع ونقرا عنها كل شوية في كل حتة واللي كنت فكراها بعيد عني مش هتحصلي أنا ..الوضع بقى مخيف ومرعب .. ربنا يسترها علينا خلو بالكوا من نفسكوا ومن اللي حواليكوا".
