"صفولها عينيها".. الاعتداء بالضرب على فتاة فى الإسماعيلية (صور)

تداول رواد موقع التوصل الاجتماعى "فيسبوك"، منشور يتضمن قيام بعض الأشخاص بالتعدي على فتاة تدعي "فاطمة" عمرها 18 عامًا، لقيامها بحماية طفل واستضافته بمنزلها لحمايته من هؤلاء الأشخاص، مما دفعهم بالتعدي عليها بالضرب وانتهي الأمر بإصابتها بعينها اليمني وتصفيتها.

تضمن المنشور: "أنا أسمى فاطمة عندى 18سنة.. كنت لسه جايه من الشغل أنا شغالة في مصنع وسمعت صوت زعيق بره ناس بيتخانقوا مع بعض.. ودول ناس مش كويسين.. وكان ابن واحد فيهم طفل صغير عندنا جوا البيت في بيتي وأبو الطفل كان بيتخانق ..راح واحد من اللي بيتخانق مع أبو الطفل.. قال  ده ابنه أهو اضربه راح دخل جوه بيتنا أنا باقول له هتضرب طفل صغير ".

تابع المنشور: "قال ليا اه علشان أنا مسكت الطفل وحضنته راح ضربني بالمقروطه في وشى.. وبعد كده محستش بنفسي غير في المستشفى ولقيت عيني اليمين متصفيه طلعوا في المستشفى الجامعة الخرز اللي كان في وشي ..بس بسبب اللي في عيني حولونى على مستشفى في الزقازيق أسمها مستشفى صيدناوى..  وعملت ثلاث عمليات في عيني بس برده مافيش أمل انى اشوف ".

واستكمل: "الحمدلله أنا راضية والحكومة قبضت عليهم بس أهليهم بتبعت لنا تهديدات لو ماتنزلناش عن القضية دى هيموتوا  أبويا وأخواتي وانا خايفة أنا عايزة حقي يجي بس وأحنا دلوقتي طبعا قاعدين في البيت وأنا كنت شغالة و بساعد أبويا أنا وأخويا الكبير علشان أبويا راجل كبير وطالع على المعاش.. أحنا كنا بنساعد فى البيت بس دلوقتي أنا ماليش شغل تانى وأخويا بابا خايف عليه طبعا من التهديدات اللي بتيجي  ومش عارفين نعمل ايه والله وده كمان رقم المحضر 4640 لسنه 2021 جنح ثان الإسماعيلية.