الغندور يفتح النار على إدارات الزمالك: "لو بتمشوا صح مكنش حصل كل دا"
الإثنين 20/سبتمبر/2021 - 12:08 م
أبدى الإعلامى خالد الغندور، نجم نادى الزمالك السابق، غضبه الشديد تجاه ما يحدث داخل القلعة البيضاء فى الوقت الحالى وما صارت إليه الأمور تحت قيادة اللجنة المعينة بإدارة النادى بقيادة حسين لبيب.
وقال الغندور فى تصريحات عبر برنامج "اللعبة الحلوة" الذى يقدمه عبر راديو أون سبورت إف إم: "أنا قريب من مجلس الادارة ومكنتش عارف أن فى ايقاف قيد للزمالك غير من حسين لبيب فى التليفزيون ، وكنت عارف أن الزمالك خلص وليد الكرتى لاعب الوداد وقالولى هنعلن عن التعاقد مع عبد الله السعيد خلاص"
وأكمل: "طب لما فيه ايقاف قيد تعاقدتوا مع عمر كمال عبد الواحد ليه ومحمود شبانة وحمدى النقاز ، وايه كمية القضايا اللى على الزمالك دى من أيام المجالس السابقة ووصلت لـ 300 مليون جنيه".
وأضاف الغندور: "لو ادارات الزمالك بتمشى صح وتدفع اللى عليها وتنهى علاقاتها باللاعبين بدون ازمات مكنش ده بقى حالنا ، يعنى عشان لاعب زى حسام أشرف وأكاديمية حتى مش نادى فى الكاميرون نتوقف فترتين قيد ، وطبعا المجلس جاب النقاز عشان عقوبته مش عشان فنيا".
وأتم حديثه: "لو ظل القيد موقوف سوف يقوم الزمالك بإعارة الصفقات الجديدة، واللجنة اتصرفت صح فى أزمة حمدى النقاز مش ناقصين فلوس كمان ونعيره نستفيد فلوس كمان ، وعبد الله السعيد كان افضل يجى السنة دى طالما مش هيجى السنة دى يبقى مش مفيد السنة الجاية".
