الجمعة 29 مارس 2024 الموافق 19 رمضان 1445
رئيس التحرير
حازم عادل
حوادث

"بيتحرش بيا وبيضربني".. فتاة تتعرض للتحرش من شقيقها وتخطط لقتله

السبت 18/سبتمبر/2021 - 02:13 م
صورة أرشيفية
صورة أرشيفية

تداول رواد موقع التواصل الاجتماعى "فيس بوك"، منشور لفتاة تدعى "أميرة أحمد" يتضمن تعرضها للتحرش والتعدي بالضرب من شقيقها الأكبر منها، حيث يقوم بالتحرش بها أثناء نومها وعند مواجهته يتعدي عليها بالضرب بل واعتدي علي والدته أيضًا بالضرب والسب .


وقالت "أميرة": "أنا وصلت لمرحلة أن عايزه أقتل أخويا من وأنا صغيرة كل الناس كانت دايمًا بتقولي لما يكبر هيتعدل بس للأسف كل ما يكبر كل ما بيبقى أسوء من الأول.. البداية كانت خلافات بين أخ وأخت أطفال و فضلنا كدا لحد ما كبرنا ".

وأضافت : " وأنا في إعدادي أخويا اتحرش بيا كله هيستغرب ويقولى أن أزاى يعمل كدا في أخته أزاي بس مكنتش مره عملتها مرتين وأنا نايمة ولما صحيت وعرف أنى حسيت اتكتم ومقدرش يعمل حاجه ومعرفتش أقول حاجه لبابا لأن بابا شديد  ولما قولت لماما مصدقتنيش أو ما اخدتش الكلام على  محمل الجد ".

واستكملت: " دلوقتى  بقي بيشتم ماما بأسوء الألفاظ وبيضربها وبنقول لبابا بيقول أنا مليش دعوه بيه أنا شيلت ايدي من تربيته.. ولسه أخر حاجه دلوقتي ضربني أنا وماما وشدني من شعري وعندي كدمات كثيرة بسببه.. ومبقتش عارفة أعمل أيه أنا بكتب وإيدي بتترعش وعماله أعيط ولسه في 2 جامعة وقرايبنا بإلاسم  بس ملناش علاقه بيهم عشان أقعد عندهم أو يساعدونا أنا دلوقتى عايزه حد يوصلني ب شيخ يقولى حلال قتله ولا لا ؟
يعتبر كافر ومش بيصلي  لما حد ينصحه مبيسمعش بكلامه و يقول أنا براحتي.. وأنا تعبت أنا أكتر من كدا والله بفكر أموت نفسي لأن يا أنا يا هو ومش هقدر أعيش وهو عايش أكتر من كدا أنا جالي حاله نفسيه بسببه وبقيت مريضه اكتئاب بسببه .. ربنا يلعنه هو واللي زيه".