شيكابالا يرد على ميدو: "شكلنا هنشوف صورة تانية في الجونة"
الخميس 26/أغسطس/2021 - 10:45 م
أثار محمود عبدالرازق شيكابالا، قائد الفريق الكروي الأول بنادي الزمالك جدلاً واسعاً بين جماهير "القلعة البيضاء" بصفة عامة والكرة المصرية بصفة عامة.
وقال "شيكابالا" عبر صفحته الرسمية بموقع "تويتر"، "شكلنا هنشوف صورة تانية في الجونة"، في إشارة إلى أحمد حسام ميدو، نجم نادي الزمالك الأسبق الذي إلتقط صورة شهيرة مع محمود الخطيب رئيس النادي الأهلي في وقت سابق بالجونة.
وكان ميدو انتقد صباح اليوم قيام عدد من لاعبي الزمالك بـ"سب" جماهير الأهلي خلال احتفالات التتويج بدرع الدوري للمرة الـ 13 في تاريخ النادي، وقال ميدو في فيديو نشره اليوم عبر صفحته الرسمية بموقع "تويتر"، "صباح الخير عليكم جميعًا امبارح أول مرة أشوف احتفالات بعض من لاعبي الزمالك بعد الفوز ببطولة الدوري وأنا أؤكد أني ضد الاحتفالات دي".
وتابع: "والاحتفالات اللي فيها سب لأي جمهور أو أي حد.. الكلام دا جديد علينا وماعرفش اللاعيبة دي جابت الكلام دا منين!!.. أنا عارف ممكن ناس زملكاوية تزعل من الكلام اللي بقوله لكن دا حق ربنا".
واستكمل: "زي ما بنطالب الناس تحترم نجومنا لازم نجومنا يبدأوا ويحترموا نفسهم.. لأن السب وسط الاحتفالات إيه لازمته! احتفل دون غلط والتجريح في أي حد عيب أننا في وسط فرحتنا ببطولة مهمة أن أول حاجة نعملها نسب جماهير المنافس أو جماهير أي نادي تاني".
