هزت السوشيال ميديا ببكائها.. معلومات عن "يمنى دحروج" صاحبة فكرة الاحتضان في مصر

تداول رواد مواقع التواصل الاجتماعي، مقطع فيديو ظهرت خلاله سيدة تدعى "يمنى دحروج" تبكي خلال شكوتها من تخلي أسرة محتضنة عن طفلة تبلغ من العمر 3 أعوام، بعد تكفلهم بها، وذلك عقب حمل الزوجة.

وحكت يمنى دحروج، التي أسست فكرة الاحتضان في مصر، شكوتها، قائلة: "عدى عليا يوم سييء جدًا بعد ما أهل بنت عندها 3 سنين رجعوها عشان الأم بقت حامل، رجعوها الدار، وهي متعرفش حاجة، وأول يوم ليها تبات جوة الدار". 

وتابعت: "تفتكروا الليلة دي مرت عليها إزاي وحست بأيه وسألت على باباها ولا مامتها كانت بتشرب أيه ولا بتنام إزاي الطفلة دي اتظلمت مرتين مرة لما اتخلينا عنها أول مرة، ومرة لما رجعوها واحنا عارفين إنها بتتظلم، أنا منمتش لأن نشر الوعي وفكرة الكفالة حاجة مهمة ولازم الأسر تبقى واعية مش بتحب الهوجة والفرحة والأطفال مسؤولية والاحتضان مسؤولية". 

واختتمت يمنى دحروج كلامها: "كفالة الأطفال مش تريند ولا موضة هي مسؤولية كبيرة جدًا مش أي حد قدها ولا يقدر عليها وكل طفل هيرجع من الأسرة بعد التكفل ذنبه في رقبتهم".