أحمد فلوكس عن إيمان البحر درويش: "الراجل ده منتهي"

علق الفنان أحمد فلوكس، على تعرض الفنان إيمان البحر درويش لأزمة صحية ونقله للعناية المركزة، مؤكدًا أنه رغم اختلافه معه في كل ما قاله وتصريحاته السابقة، إلا أنه يتمنى له الشفاء.

وكتب فلوكس عبر حسابه بموقع التواصل الاجتماعي فيس بوك: "كل كلمة بقولها والناس بتخش تهري فيها وتهاجمني، بعد شوية بتطلع صح.. بس للأسف محدش ساعتها من اللي بيهري أو هاجمني بيقول، ولا حتى بيكتب اعتذار زي ماشير وهاجم".

وتابع : "ومش هيعملوا كده للأسف، لأن الجاهل بالحقيقة وعامل نفسه فاهم، وبيهاجم بكل بجاحة وظلم هيكون جاهل عن الأخلاق، ومش هيكون عنده لغة الاعتذار.. الحمد الله اللي على حق دايمًا مابيخافش".

واختتم فلوكس حديثه : "ربنا يشفيك ويعافيك، رغم اختلافي معه كليًا فيما قاله، ولا أقبله لكن فعلا الراجل ده منتهي.. ربنا يشفيه".