السبت 25 سبتمبر 2021 الموافق 18 صفر 1443
رئيس التحرير
حازم عادل

"ارحموا ولادكم من السواقين".. طفل من ذوى الهمم يتعرض للضرب داخل سيارة بالقاهرة

الإثنين 02/أغسطس/2021 - 03:30 م
صورة أرشيفية
صورة أرشيفية

تداول رواد موقع التواصل الاجتماعي "فيس بوك"، منشور يتضمن استغاثة سيدة بعد مشاهدتها واقعة اعتداء على طفل من ذوي الهمم داخل سيارة على الطريق الدائري المتجه للتجمع. 

وقالت السيدة خلال منشورها: "أنا مش عارفة أكتب فين وعلى أنهي جروب ولا أعمل إيه أنا متلخبطة.. من ساعة ما شوفت العربية دي الصبح على الدائري ناحية التجمع  والسواق اللي فيها بيضرب ولد من ذوي احتياجات خاصة (معاق ذهنيا وجسمانيا) راكب معاه في العربيه وأنا هتجنن". 

وتابعت السيدة عبر منشورها الاستغاثي: "قعدت أزنق عليه بالعربية وأضرب كلاكسات كتير ولقيت عربيه تانية فيها راجل محترم شاف نفس المنظر اللي أنا شوفته كسر عليه بالعربية وفتح الشباك وزعق قاله أنت بتضربه ليه وأنت تقربله إيه والراجل اتوتر وقاله مضربتوش".

وأضافت: "المنظر كان صعب وهو سايق بيلف يضربه جامد وحبيبي غلبان قاعد ورا لا حول له ولا قوة.. يارب أهل الولد يشوفوا البوست ورقم العربية اللي معرفتش أعمل حاجة غير أني أصورها.. ارحموا ولادكم من السواقين وبالذات لو طفل من ذوي احتياجات خاصة أرجوكم أنا قلبي اتقطع من اللي شوفته.. حسبي الله ونعم الوكيل في كل بني أدم يمد إيده أو يأذي ملاك زي ده".

ads
ads
ما هو أفضل مشروع قومى فى مصر خلال الفترة الأخيرة؟

ما هو أفضل مشروع قومى فى مصر خلال الفترة الأخيرة؟