محمد العدل يسخر من حلا شيحة: لو الكليب اتعرض فى جمادى الأول يمشى معاكى
الخميس 15/يوليو/2021 - 05:38 م
انتقد المنتج محمد العدل، الفنانة حلا شيحة بعد البوست الذى تتبرأ فيه من فيلم " مش أنا" للنجم تامرحسنى، ومن مشاهدها فى أغنية "بحبك"، والتى جاءت ضمن أحداث الفيلم.
وكتب محمد العدل، عبر حسابه على فيس بوك، قائلا:" طيب سؤال لو الكليب اتعرض فى شهر جمادى الاول مش ذو الحجة كان يمشى معاكى ده كلام معز هو اللى ماسك الموبايل صح خبيه منه".
وكانت حلا شيحة قد كتبت منشورًا، عبر حسابها الرسمي بموقع تبادل الصور والفيديوهات "انستجرام"، قائلة: ""أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجأت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي".
وتابعت: "إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".
