رانيا يوسف عن واقعة "فتاة المعادي": "التحرش عقوبته لازم الإعدام"

نشرت الفنانة رانيا يوسف على صفحتها بموقع التواصل الاجتماعي "فيس بوك" صورة للفتاة المقتولة مريم أو بطلق عليها اعلاميا "فتاة المعادي""، وطالبت رانيا يوسف أن تصل عقوبة التحرش إلى الإعدام.

وكتبت الفنانة رانيا: "مليون مرة نقول التحرش عقوبته لازم تبقى الإعدام، مريم بنت مصرية لسة في عز شبابها وملابسها أعتقد لا تخدش حياء نظريات اللبس هو السبب".

وتابعت: "مريم كانت ماشية في الشارع وراجعة من شغلها في المعادي، وفجأة لقت ثلاثة مما يسموا بالرجال، للأسف بيتحرشوا بيها لفظيا وبدأت محاولات التحرش جسديًّا".

وأكملت: "مريم حاولت تجري وتصد الذئاب البشرية عنها، ولكن للأسف أثناء محاولاتها الحفاظ علي نفسها وعدم الاستسلام ليهم ماتت تحت عجلات عرربيتهم، مكتفوش بكده وبس لا دول سحلوها بالعربية ورموها في الشارع وهربوا".

واختتمت رانيا: "جريمة زي دي لسة بنفكر أن التحرش مش عقابه الإعدام، ولسة في ناس بتبرر التحرش باللبس، كفاية كفاية كفاية".