عبدالرحمن الحسيني يعلن رحيله رسمياً عن الأهلي
أعلن عبدالرحمن الحسيني، نجم طائرة الأهلي عن نهاية مشواره مع النادي الأهلي، وبدأ رحلة احتراف أوروبية روادته منذ الصغر.
عبدالرحمن الحسيني يعلن رحيله عن الأهلي
وكتب عبد الرحمن الحسيني عبر صفحته على فيسبوك،رسالة وداع وشكر لجماهير الأهلي ومسئوليه، قائلاً:
اليوم إنتهي تعاقدي مع النادي الأهلي " بيتي و المكان اللي بدأ فيه رحلتي و حياتي الرياضية كلها" الحمدلله راضي علي كل السنين و الإنجازات اللي إدرت أحققها و ربنا كرمني بيها .
وجيه الوقت إني أخوض تجربة جديدة و حلم آخر هو اللعب في أوروبا و إن شاء الله تكون خطوة كويسة ليا تساعدني إني كمان اروح مكان أحسن و أحقق حلمي في اللعب في أكبر فرق اوروبا.
لكن حبي و إمتناني لكل اللحظات اللي عشتها مع النادي الأهلي و جماهيره هي السبب إني أكتب الكلام ده دلوقتي عشان هما كانوا السبب الأول و الداعم الأول ليا في السنوات الفاتت كلها و ديه حاجة مقدرش انكرها ، مش حاجة سهلة عليا إني أعلن نهاية رحلتي مع النادي عشان دي حاجة صعب تنتهي ده المكان اللي عشت فيه حياتي كلها و الرحلة ان شاء الله مكملا و لنا عوده .
في النهاية بشكر النادي و مجلس الإدارة و النشاط الرياضي علي تفهم رغبتي و بشكر جماهير النادي الأهلي علي كل حاجة رقم ١ دائما و أبدا🦅❤️.
