الفرحة والنصر نسوني التعب.. آيات أباظة تعرب عن سعادتها بفوز منتخب مصر

أعربت الإعلامية آيات أباظة عن سعادتها وفخرها بفوز منتخب مصر على نظيره منتخب أستراليا، وذلك بعد الصعود لدور الـ16.

آيات أباظة تعرب عن سعادتها بفوز منتخب مصر

كما كشفت آيات أباظة أنها كانت تمر بوعكة صحية، وكتبت آيات أباظة من خلال حسابها الرسمي عبر موقع التواصل الاجتماعي فيسبوك، قالت: اه لو المنتخب المصري يعرف هو بيفرحنا ازاي.. كنت تعبانة وأنا بشوف المباراة والفرحة والنصر نسوني التعب.. ألف مبروك لمصر نستاهل نفرح. 

في سياق آخر، السينارست عمرو محمود ياسين عن مرض زوجته الإعلامية آيات أباظة، مشيرًا إلى أنهما مرا بفترة صعبة للغاية.

وقال عمرو محمود ياسين في لقائه التليفزيوني: "خضنا تجربة علاج السنة اللي فاتت بأدوية وجراحة وخلصنا واحتفلنا ببشائر الشفاء ودخلت اشتغل وننسى اللي كان،  وبعد ما المسلسل خلص، بنعمل فحص اتضح فيه مشاكل وبدأنا رحلة علاج جديدة، يمكن الكلام ده سهل، لكن التفاصيل صعبة جدًا". 

وأضاف عمرو محمود ياسين متأثرًا: "وأنت رايح تعمل الفحص مش عاوزين نسمع إلا كلمة واحد كله تمام، لكن الدكتور بيقولك لسه النتيجة، وبفضل قاعد كل الوقت ده في حالة رعب حقيقي، اللحظة اللي بيجي فيها نيتجة الفحص بشوفه ولاقي فيه مشكلة وهي تسألني إيه الأخبار بعيش تفاصيل صعبة، هي مش متخيلة أن فيه حاجة، وعلشان اقول واشرح صعبة جدًا، التفاصيل مرهقة.. الناس بتسأل إيه الأخبار وإحنا بنعرفهم، لكن الليالي دي بتعدي ازاي من ألم وتعب وإرهاق".

وأكمل:"عرفت آيات من أولى ثانوي وقرأنا فاتحة بعد ثانوية عامة وتالتة جامعة اتخطبنا ورابعة اتجوزنا، من هنا تيجي صعوبة التجربة، لأنها عاشت معايا أكتر ما عاشت مع أهلها".