حكاية احتراف أحمد السقا في أمريكا واللعب للأهلي والزمالك قبل دخول التمثيل| فيديو

حل الفنان أحمد السقا ضيفا على الفنانين محمد ثروت وعمرو رمزي ببرنامج قبل الماتش، عبر قناة صدى البلد؛ للحديث عن مباراة مصر وأستراليا، ضمن منافسات كأس العالم 2026.

من ناحيته قال أحمد السقا  أنه حضر لحلقة اليوم من أجل محبة رمزي وثروت إلى قلبه، معلقا: محبتكم عندي قد إيه والله، ومحبة المنتخب المصري طبعًا يعني، والمنتخب حبيب الشعب كله.

وعلق أحمد السقا قائلا: «بدأت في نادي النيل وبعدين الأهلي، ثم الزمالك وبعدين لعبت شوية في أمريكا كده، ولعبت في أندية متفرقة فترة صغيرة كده ودخلت الأكاديمية ولعبت في الصيد حتى الدرجة الأولى، ثم العودة للزمالك ومنتخب مصر.

وواصل أحمد السقا: «رجعت الزمالك تاني وكان كابتن جمال عبد الحميد وإيمانويل مشيو وأنا راجع تحت السن بس راجع ألعب سترايكر أساسي بقى، محصلش نصيب اتعورت في ماتش مع المنتخب قبل ما نسافر البرتغال، واللي راح بدالي تامر صقر اللي كان بيلعب في الجزيرة اللي خد أحسن ناشئ في العالم، وكان سترايكر الأهلي سنين طويلة كان هو هداف النادي الأهلي، وبالمناسبة تامر صقر زملكاوي متعصب».

وتابع أحمد السقا: بدأت في الأهلي (ب) اللي هو نادي النيل، كان موجود كابتن فتحي مبروك، كابتن أحمد ماهر الله يرحمه ورحنا كنت أنا وتامر الراعي بس تامر مكملش، أحمد صابر ليبرو الإسماعيلي رحنا مجموعة، وكان بيمرني كابتن إبراهيم عبد الصمد وكنا بنلعب وكان أيام ما بنلعب دوري ناشئين الفرقة اللي تكسب تصعد جمهورية، وعادة كانت بتبقى ما بين المقاولون العرب، والترسانه، والزمالك، والأهلي، لأن دول كانوا أقوى ناشئين موجودين يعني».