عاجل.. لو جرالى حاجة اتبنوا قضيتي.. فتاة يتيمة تستغيث بوزارة الداخلية

استغاثت ندى سعيد ، فتاة يتيمة بوزارة الداخلية بسبب مضايقات جارتها وابنها واستغلالهم يتمها وإنها تعيش بمفردها وتعرضها للتحرش من ابن جارتها.

وقالت الفتاة: أنا يتيمة وعايشة فى البيت لوحدى من 3 سنين وجارتى زينب يوسف إبراهيم وابنها عايزين يهدوا شقتى بحجة الاثار والسحـ.ـر والجن ومرة دخلت عليا شقتى هى وابنها واتحرش بيا ومالقتش حد يقف جنبي ولا يساعدنى

وتابعت: بيهكروا موبايلى ويسرقوا صورى وحاجتى وبدأوا يحفروا علشان يدوروا على الآثار عملت بلاغات وروحت النيابة وكل ما أجيب محامى يطلع فى صفها

وتابعت: جارتن دبرت ليا  كذا مصيبة علشان تخلص منى مرة تخلى توك توك يخبطنى فى شارع جانبى ورجالة تستنانى بره بيتى وعايزة تولع فيا جوه شقتي ولو جرالى حاجة اتبنوا قضيتى أنا مش قادرة على المافيا دى.

وقالت ندى: لو حصلي اي حاجة ابقي اتبنو انتم قضيتي وكملو لاني مليش مخلوق واحد ورايا في الدنيا وانا مش قادره علي مافيا زي ماهي قلتلي لوحدي لو اكبر جبل زمانه نخ واتهد استودعكم الله متسبوش حقي انا مشفتش يوم واحد حلو ولا حسيت بطعم الايام ابدا بسبب الساحرة البلطجية زينب يوسف ابراهيم حسبنا الله وكفي بالله حسيبا يشهد الله اني عمري مااذيت حد ويعلم كم الاذي والكيد اللي شفته ومش مسامحة كل من اذاني ولو حتي نفسيا ومكر بي يوما اللهم فوضتك ووكلتك كل وحق التفويض.