«ساعدتني أتعالج من الاكتئاب».. وئام مجدي تستعيد ذكرياتها مع جدتها الراحله
استعادت الفنانة وئام مجدي ذكرياتها مع جدتها الراحلة «تيتة نوال»، حيث اعتادا الثنائي على الظهور سويًا في العديد من الفيديوهات الكوميدية.
وئام مجدي تستعيد ذكرياتها مع جدتها الراحله
وكشفت وئام مجدي عن فضل جدتها في شفائها من الاكتئاب، وكتبت من خلال حسابها الرسمي عبر موقع التواصل الاجتماعي فيسبوك منشورا معربة فيه عن مدى حبها واشتياقها لها.
وقالت: دايمًا كنت بقول فى أى لقاء أنا كان عندى اكتئاب و تيته سعدتنى إنى أبقى كويسة بس أنا اكتشفت حاجة هى مكنتش بتعمل حاجه وجودها بس كان فى حاجات كتير أنا كنت كويسه علشان الحنية والأمان و الطبطبة اللى كانت فى بابا و اتوفى و أنا صغيرة.
أضافت: لكن لما تيته مشيت ودى أكبر غلطة إنها علمتنى ازاى أبقى كويسة بيها لكن مقلتش إيه الحل من غيرها مهما كان فى ناس فا أنا وحيدة و مهما كان فى دلع فا أنا كبرت ٥٠ سنة.
تابعت: ربنا يخليلى أمى و أخواتى يارب.. حابه اقول إن أمى أحن واحدة و اكتر واحدة واقفه جمبى فى الدنيا أنا بس تيتة وحشتنى.
في وقت سابق، شاركت الفنانة وئام مجدي ذكرياتها مع جدتها الرحلة تيتة نوال، معربة عن اشتياقها لها، وذلك عبر موقع التواصل الاجتماعي لتبادل الصور والفيديوهات الانستجرام.
وكتبت عبر موقع التواصل الاجتماعي لتبادل الصور والفيديوهات الانستجرام: انا واقفه فى مكانى من سنين بظروف حصلت انا بقالى سنين سنين كتيره فى اكتئاب.
وأضافت: واطلع منه و ادخل تانى وزى ما كله عارف ان سبب الڤيديويات دى ان تيته عاشت معايا علشان انا عندى اكتئاب كنت بهرب من ده بيها.
وتابعت: لكن دلوقتى انا واقفه مكانى لسفر ولا شغل ولا صحاب ولا اى حاحه مخليانى كويسه مبقتش قادره على اى فراق ل اهل ولا صحاب ولا حبيب تعبت من الفكره دى اه بحمد ربنا على كل حاجه حلوه فى حياتى بس انا قلبى زعلان اوى عليها وزعلان اكتر انى واقفه مكانى من سنين.
