«مش هستخبى وراها».. هبة السيسي تُعلق على قرار خلعها الباروكة

علقت الفنانة والإعلامية هبة السيسي على قرار خلعها الباروكة، وذلك بعد إصابتها بمرض السرطان، حيث سقط شعرها نتيجة جلسات الكيماوي. 

هبة السيسي تُعلق على قرار خلعها الباروكة

وقالت هبة السيسي في برنامج قعدة ستات: أنا حسيت بالمحاربات وحسيت بوجعهم وباللي بيمروا بيه، وعشان كده قررت أكون واجهة ليهم وأواجه المجتمع، كفاية الألم النفسي اللي أنا بمر بيه. 

أضافت: ومش هلبس باروكة عشان الشكل مش كل حاجة، أحنا كده كده شكلنا هيتغير مع مرور الوقت الجمال مش دايم، اللي دايم السلام النفسي وروحنا. 

هبة السيسي تكشف كواليس تعرضها لمرض السرطان 

في وقت سابق، قالت هبة السيسي خلال لقائها في برنامج ورا الشمس مع الإعلامية ياسمين الخطيب: كنت بقول إن مش هيحصلي تغير في شكلي ولا شعري هيقع، بعد أسبوع من أول جلسة كيماوي لقيت شعري كله بيقع في البانيو، وجالي انهيار عصبي ومكنتش عايزة أخرج من البيت.

أضافت: وقررت إني هحلق شعري خالص علشان متعبش نفسيًا أكتر من كده، وخطوة إني شيلت شعري دي كانت اللحظة الفارقة إني بصيت لنفسي في المراية وتقبلت الوضع وقلت أني هواجه.

تابعت: بقيت أفكر هظهر إزاي والناس هتشوفني من غير شعر، ومحبتش شكلي بالباروكة وقلت إني مش محتاجة أتجمل علشان الآخرين، وقررت إني هظهر للناس بشكلي زي ما هو، وده اللي خلاني تقبلت اللي أنا فيه.

واستكملت: العلاج أثر على شكلي فكان لازم أواجه الناس بأني مريضة، ناس قالت أني بظهر بالشكل ده علشان الناس تتعاطف معايا ولكن ده مش صح، أنا ده الوضع اللي أنا فيه، ومحتاجة الناس تطبطب عليا.

أبرز المعلومات عن الفنانة هبة السيسي

ولدت الفنانة هبة السيسي في المنصورة، و هي ممثلة وملكة جمال مصر 2004، شاركت في تقديم برنامج الهواة سوبر ستار، وشاركت مع محمد سعد في فيلم كتكوت.

من أهم أعمالها: حليمو أسطورة الشواطئ 2017، فيلم ستات قادرة 2016، مسلسل شطرنج 2016، مسلسل الصعلوك الجزء الثالث 2015، مسلسل هجوم منتصف الليل 2012، فيلم Sms 2010، مسرحية الست هانم عايزه تلعب بيه 2010، الدنيا لونها بمبي 2009، مسلسل مشاعر في البورصة 2009.