أحمد موسى عن زيادة بعض شرائح الكهرباء: مش عاوزين نروح لتخفيف أحمال

علق الإعلامي أحمد موسى على بيان وزارة الكهرباء بشأن زيادة أسعار الكهرباء لبعض الشرائح.

وقال أحمد موسى «اللي زاد بس هو اللي بيزيد عن استخدام 2000 كيلو وات، وأهلنا البسطاء اللي استهلاكهم بسيط زي ما هما في الشرائح ما زادش، وهم يمثلوا نحو 40% من المستخدمين، اللي عنده تكييف واثنين وثلاثة دول هيدفعوا زيادة بنسبة 16%، لكن اللي عنده مروحة لأ مفيش زيادة لهم، وهذه الزيادات بسبب الأزمة العالمية».

وتابع أحمد موسى: «مش عاوزين نروح لتخفيف أحمال الكهرباء، لازم يكون عندنا هذه الإجراءات، لازم نقف مع بلدنا كلنا».

واختتم أحمد موسى: «لازم يكون عندنا هذه الإجراءات لتشغيل المصانع والمؤسسات الإنتاجية ونساعد بلدنا كلنا، علينا توفير الكهرباء سواء في الاستهلاك التجاري أو الصناعي أو المنزلي».