عميل يحذر من "منصور أوتوموتيف" بعد دمار سيارته الجديدة أثناء صيانتها

استغاث عميل من توكيل " منصور أوتوموتيف" بعد تعرض سيارته الجديدة للتدمير  وشق الصاج أثناء تواجدها فى الصيانة لإجراء صيانة الـ7000، وسط إهمال المتواجدين ، على حد قوله

وقال صاحب المشكلة بعد عرضها على توكيل منصور: لازم الناس تعرف إن لو موصلتش لحقي… فربنا موجود، وعلى الأقل أكون أفدت بتجربتي غيري Soueast S06.. أنا مش عارف بأي منطق أو بأي ضمير الناس اللي كانوا موجودين دول قدروا يعرضوا الكلام ده.

وتابع أنا هقول لحضراتكم اللي اتقال في اجتماع امبارح، واللي هم نفسهم مش قادرين يكتبوه اجتماع امبارح كان مع:رئيس* السمكرة والدهان في فروع منصور كلها ورئيس* مركز أبو رواش ومدير من شركة Soueast وأنا المفروض قاعد مع مستوى عالي في الهيكل الوظيفي لشركة كبيرة زي منصور… علشان يكون ده أسلوب النقاش.

واستطرد: اتقال إن لو سواق خبط عربية وطلع على السوشيال ميديا وقال إننا ظلمه، لو مشيناه من الشغل محدش هيعمله حاجة، والسوشيال ميديا كلها كام يوم وتهدى.وكمان اتقال إن صاحب العربية المرسيدس اللي قلبها تاكسي – والموضوع ده معروف للناس – مقدرش يوصل لحاجة في الآخر وإن هآخد *قسيمة مشتريات* بـ 40 ألف جنيه أو يشتروا مني العربية بخسارة 450 ألف جنيه

وقال : أنا حاليًا وصلت لمرحلة إني بتمنى تدخل *حكومي عادل* بسبب انعدام الضمير اللي وصلنا له وعملت محضر في الشرطة وقدمت شكوى في حماية المستهلك ولا مرة غلطت في حد وأنا بتكلم، ولا استخدمت أسلوب غير لائق، رغم الضرر اللي واقع عليا، والتعامل فيه تعالي واستهتار بحقوق الناس وأنا مش بطلب غير بحقي، ولو موصلتش لحقي على الأقل أكون وعّيت الناس.