راندا البحيري لـ داليا البحيري بعد عملية شد الوجه: «رجعتي أصغر من سنة أولى نصب»
وجهت الفنانة راندا البحيري رسالة لـ الفنانة داليا البحيري، وذلك بعد نجاح عملية شد الوجه والرقبة التي أجرتها.
راندا البحيري توجه رسالة لـ داليا البحيري بعد عملية شد الوجه
وكتبت راندا البحيري من خلال حسابها الرسمي عبر موقع التواصل الاجتماعي فيسبوك، قالت: بسم الله ما شاء الله الله اكبر.. الف الف مبروك العمليه ناجحه جدا والحمد لله انها اختارت بعنايه وخدت بالها من نفسها وربنا كبير والحمد لله انك بخير يا داليا.
أضافت: وانا بجد بجد بخاف جدا جدا من العمليات دي و لكن أنا برضه مع حرية ان لو حد فعلا خلاص شايف ان فيه حاجه تعوقه عن اداء حياته الطبيعيه او مأثره في نفسيته ف يقدر يعملها المهم يكون واخد احتياطاته كامله.
تابعا: الف مبروك داليا ورجعتي أصغر من سنة أولى نصب كمان.
وأعربت الفنانة داليا البحيري عن سعادتها الكبيرة بنجاح عملية شد الوجه ومنطقة تحت الرقبة التي أجرتها، حيث جعلتها في شكل يبدو أصغر سنًا.
وقالت داليا البحيري خلال إجراء العملية، في مقطع فيديو، من خلال حسابها الرسمي عبر موقع تبادل الصور والفيديوهات القصيرة «إنستجرام»، قالت: «تفتكروا هصغر كام سنة بعد شد الوجه؟.. أنا من النوع اللي مابحبش أغير في شكلي خالص بس بقالي سنتين تلاتة حاسة إنه لا كل اما حد يشوفني خصوصا تحت عنيا ومنطقة تحت رقبتي الناس يقولولي شكلك تعبانة هو انتي تعبانة.. وابقى مش تعبانة خالص ولسه صاحية من النوم».
أضافت:«الناس لما بتشوفني بيقولولي إن أنا شكلي صغر زي فيلم سنة أولى نصب.. أنا حاسة إني لسه صغيرة».
