"شوية أدب واحترام لتاريخه".. رولا خرسا تعلق على هجوم ياسمين عز على محمد صبحي

أعربت الاعلامية رولا خرسا عن استيائها عقب تصريحات وهجوم الإعلامية ياسمين عز على الفنان القدير محمد صبحي على خلفية تصريحاته التي انتقد خلالها فيلم "الست".

وقالت رولا من خلال حسابها الرسمي "إنستجرام ""اعلن تضامني واحترامي للفنان محمد صبحي ورفض أي تطاول عليه،عيب اوي اما رمز زي محمد صبحي يهان بهذه الطريقة".

وأضافت " وانا مقدرش اسكت اما اشوف غلط واهانة…الراجل لسه طالع من عملية ..وحالته الصحية لا تسمح بالهبد اللي حصل دا….هو حر لو رأيه يخالف رايك".

واختتمت "من امتي كلنا بنتفق علي رأي أو عمل؟…عنده موقف ما …دا موقفه هو..الناس مالها؟؟ شوية أدب.. شوية احترام لتاريخه…ولفنه ولشخصه… فيه ايه؟ احنا رايحين علي فين؟".

وكانت أثارت الإعلامية ياسمين عز جدلاً واسعاً خلال الساعات الماضية، بعد هجومها على الفنان محمد صبحى، وذلك خلال تقديمها برنامج " كلام الناس" على قناة MBCمصر، على خلفية تصريحاته السابقة التي  انتقد خلالها فيلم "الست".

وقالت عز خلال برنامج "كلام الناس": "لما تيجي تتكلم عن بلد شقيق وعظيم زى السعودية الزم حدودك، التزم بالآداب والأخلاق اللى طول الوقت بتتشدق بيها".

كما أضافت ياسمين عز: يا محمد صبحي اعرف بتقول إيه، وأنت بتتكلم عن أطهر بقاع الأرض، اللي كان فيها الرسول محمد -صلى الله عليه وسلم-، وأرض الإسلام وقِبلة 2 مليار مسلم.

وقد تابعت رسالتها لمحمد صبحي: محتاج تعرف بتقول إيه ومش بتقول إيه، وخليك شريف في خصومتك، وكفايه محاولات لتشتيت الانتباه عن مشكلة السائق.

وفي هذا الإطارأضافت: خليك شريف في خصومتك ، في إشارة إلى ما اعتبرته محاولة من صبحي لربط انتقاده للفيلم بدور سعودي، مما يمس علاقات البلدين الشقيقين.